मानवअधिकार र कानुनी शिक्षा विषयक तालिम सम्पन्न

Picture

९ जेठ । मानवअधिकार र कानुनी शिक्षा विषयक दुई दिने तालिम वीरेन्द्रनगर १५ रतुमा सम्पन्न भएको छ । मानवअधिकार तथा ग्रामीण वातावरण संरक्षण केन्द्र (हुरेक नेपाल) सुर्खेतको आयोजना र वीरेन्द्रनगर नगरपालिका १५ नं. वडा कार्यालयको सहयोग र समन्वयमा उक्त तालिम सम्पन्न भएको हो । तालिममा वडा नागरिक मञ्चका पदाधीकारीहरुको सहभागीता रहेको थियो ।

 

तालिममा २०७५ भाद्र १ देखि लागु भएको मुलुकी फौजदारी संहिता २०७४ र मुलुकी देवानी संहिता २०७४ का प्रावधानहरु, घरेलु हिंसा, बालअधिकार, मानवअधिकारका विषयमा प्रशिक्षण गराइएको थियो ।
कार्यक्रममा बोल्दै टोलविकास संस्थाका अध्यक्ष घनध्वज रानाले कानुनी कक्षा पहिलो पटक प्राप्त गरेको र यसले गाउँमा घट्ने विभिन्न अपराधको पहिचान, समाधानको लागी चल्नुपर्ने कदमका वारेमा जानकारी हाँसिल गरेको बताए ।

 

यसैगरी सहभागी हरिलाल पोख्रेलले दुई दिने तालिम ज्यादै उपलब्धिमुलक भएको बताए ।  तालिमको सहभागी दिपा ढकाल हमालले घरेलु हिंसाबाट पिडित महिलाहरुको अधिकार र न्यायको लागी काम गर्न तालिममार्फत सजिलो भएको बताइन् ।
समापन कार्यक्रममा बोल्दै हेल्थपोष्ट रतुका ईन्चार्ज हरेराम शाहले कानुनी ज्ञानलाई समुदायको हितमा प्रयोग गर्न आग्रह गरे । तालिममा २५ जनाको सहभागीता रहेको हुरेक नेपाल सुर्खेतका कार्यसमिति सदस्य शक्तिबहादुर थापाले जानकारी दिए । तालिमलाई हुरेक नेपालका अध्यक्ष अधिवक्ता गणेश वलीले सहजिकरण गरेका थिए ।

२०७६ जेठ ९

कानूनी शिक्षा विषयक दुई दिने तालिम सम्पन्न

Traning

१४ जेठ । मानवअधिकार र कानूनी शिक्षा विषयक दुई दिने तालिम मंगलबार वीरेन्द्रनगर ११ पिपिरामा सम्पन्न भएको छ । मानवअधिकार तथा ग्रामीण वातावरण संरक्षण केन्द्र (हुरेक नेपाल) सुर्खेतको आयोजना र वीरेन्द्रनगर नगरपालिका ११ नं. वडा कार्यालयको सहयोग र समन्वयमा उक्त तालिम सम्पन्न भएको हो ।

 

वडा नम्वर ११ का महिला तथा किशोर किशोरीहरुको सहभागीता तालिममा २०७५ भाद्र १ देखि लागु भएको मुलुकी फौजदारी संहिता २०७४ र मुलुकी देवानी संहिता २०७४ का प्रावधानहरु, घरेलु हिंसा, बालअधिकार, मानवअधिकारका र लागुऔषध दुव्र्यसन विषयमा प्रशिक्षण गराइएको थियो ।

कार्यक्रममा बोल्दै शिवशक्ति सामुदायीक वनका अध्यक्ष तथा सहभागी मिना आचार्यले कानूनी प्रावधानका वारेमा महिलाहरुले जानकारी पाएका र समस्यामा परेमा कानुनी उपचारका बारे समेत सचेत रहने विश्वास व्यक्त गरिन् । महिलाहरुले भर्खरमात्र जारी भएको मुलुकी संहिताका वारेमा पहिलो पटक जानकारी पाएको समेत आचार्यले बताईन् । कार्यक्रमको सहभागी भुमीसरा चुनाराले यो तालिमबाट घरेलु हिंसा र कानूनी व्यवस्थाबारे जानकारी हासिल गरेको बताईन् । ‘घर परिवारमा हुने विभिन्न हिंसाबारे धेरै महिलाहरुलाई जानकारी थिएन यो तालिमबाट महिलाहरुले कानूनी प्रावधान वारे जानकारी पाउन सफल भएका छन्’ उनले भनिन् ।

 

तालिमको पहिलो दिन तालिमको उद्घाटन गर्दे वडा सदस्य अर्जुन सुवेदीले तालिमबाट सहभागीहरुको अधिकार र कर्तव्य वारे जानकार हुने विश्वास गरे ।

 

तालिम दोस्रो दिनको समापन कार्यक्रममा बोल्दै वडा अध्यक्ष नन्दलाल शर्माले सिकेका कुरालाई जिवनमा प्रयोग गर्न आग्रह गरे । उनले भने नयाँ कानूनी प्रावधानले समाजका विभिन्न पक्षलाई सम्वोधन गरेको र यस वारे सवै नागरिकहरुले जानकारी राख्न आवश्यक छ । वडा अध्यक्ष शर्माले सवै वडा बासीहरुले अरुको सम्मान गर्दे हिंसा र अपराध रहित वडा निर्माणमा सहयोग पर्‍याउन अनुरोध गरे ।

कार्यक्रममा बोल्दै हुरेकका अध्यक्ष गणेश ओलीले कानुनको अज्ञानता क्षम्य नहुने भन्दै कानूनी राज्य स्थापना गर्न समुदाय स्तरबाटै लाग्न सवैलाई आग्रह गरे । उनले भने कानूनले गर्नु भनेको कुरा गरे र नगर्नु भनेको कुरा नगरे समाजमा अपराध नहुने भन्दै सवैले कानूनको पालन गर्न अनुरोध गरे । तालिममा ११ नं वडा कार्यालयका ४८ जनाको सहभागीता रहेको हुरेक नेपालका कार्यक्रम व्यवस्थापक चरित्रा कुमारी केसीले बताईन् ।

 

तालिमलाई हुरेक नेपालका अध्यक्ष अधिवक्ता गणेश वली र पत्रकार सिता वलीले सहजिकरण गरेका थिए ।

२०७६ जेठ १४

हुरेक नेपालको नवौं बार्षिक साधारण सभा सम्पन्न

HUREC Nepal AGM

मानवअधिकार तथा ग्रामीण वातावरण संरक्षण केन्द्र (हुरेक) नेपाल सुर्खेतको नवौं साधारण सभा सम्पन्न भएको छ । कार्यक्रममा चालु आ.व २०७४।०७५ को रु १२८९००। को आय व्याय प्रस्तुत गरिएको थियो । साथै आगामी आ.व २०७५।०७६ को लागी रु १६०००००। सोह्र लाख बरावरको प्रस्तावीत आय व्याय प्रस्तुत गरिएको छ ।

संस्थाले मानवअधिकार, वातावरण संरक्षण र युवा सशक्तिकरणका क्षेत्रमा पैरवी र वकालत गर्दे आएको छ । कार्यक्रममा आलोपालो बचत तथा ऋण सहकारी संस्थाका अध्यक्ष जगतकुमार विसीले संस्थाले परियोजना भन्दा पनि अभियान मुखी भएर गतिविधी संचालन गरेको बताउनु भयो  ।

साधारण सभामा धारणा राख्दै सुरेश कुमार वलीले सामाजिक संस्थाले समाजमा रहेका कुरिती र कुसंस्कार विरुद्ध नागरिकहरुलाई सचेत गराएको बताउनु भयो  । कार्यक्रममा वीरेन्द्रनगर नगरपालीका वडा नं ११ का अध्यक्ष नन्दलाल शर्माले संस्थाले संचालन गरेका गतिविधीले समुदायमा राम्रो प्रभाव पारिरहेको धारणा राख्नु भयो ।

कार्यक्रममा बोल्दै कर्णाली प्रदेश सभाको सदस्य पद्मा खड्काले संस्थाहरुले राज्यको सहयोगीको रुपमा काम गर्नुपर्ने धारणा व्यक्त गर्नुभयो । उहाँले भन्नुभयो “सरकार एक्लैले सवै काम गर्न नसक्ने हुँदा गैर सरकारी संस्थाले सरकारका कामहरुलाई सहयोगीको रुपमा सघाइरहेका छन् ।” हुरेक नेपालले मानवअधिकार र शुसासनका क्षेत्रमा थप काम अगाडी बढाउनु पर्ने उहाँले बताउनु भयो  ।

साधारण सभा संस्थाको अध्यक्ष गणेशबहादुर वलीको अध्यक्षता र सांसद पद्मा खड्काको प्रमुख आथित्यतामा सम्पन्न भएको छ ।

Welcome to HUREC Nepal

Human Rights and Rural Environment Protection Center (HUREC Nepal) is a pioneer ‘youth led and for youth’ not for profit and a non-governmental organization admire for passionate commitment addressing urgent social problems through inventive approaches. The field of human rights is under a serious threat due to human rights violation and absence of rule of law. In the context of Nepal the burning challenges are to eliminate social discrimination, child labor, untouchability, different youth issues and human trafficking.

Environmental degradation due to pollution and deforestation are major challenges. HUREC-Nepal was established in 2006 AD at Ratu VDC of Surkhet as a Community Based Organization (CBO), which was officially registered in District Administration office Surkhet and Social Welfare Council Kathmandu Nepal in 2009 AD as a Non- Governmental Organization.

The four working issues are: Human Rights and Social Justice, Peace and Social Harmony, Democracy, Environment Conservation. The organization promotes volunteerism that is essential to enhance youth engagement in community development; partnership for sustainable development; duty culture for the development of professionalism; and finally, Youth participation for the holistic development as more than 40% of the national population comprises youth.

Moreover, the organization also participates in policy advocacy on contemporary social issues, which are largely linked with the daily lives of youth. The direct actors of this organization are the youths aged between 16 to 40 years indicate the national youth policy 2066. The intensity of expansion of HUREC has been broad in the present context because, HUREC is able to establish two district offices: Surkhet and Dailekh. The existing Executive Committee (elected every three years of its tenure), 50 general members, almost 5 staffs and more than 10 regular volunteers are the base of HUREC’s progress. The success of the programs implemented by HUREC has demonstrated increased demand for further programs to address social cross‐cutting issues in more spatial units.

Annual Report of HUREC Nepal 2014.

Radio Message (Jingle) against about Human Trafficking.

.

.